معصوم کشمیری بنیادی انسانی حقوق کو ترس رہے ہیں، فردوس عاشق

معاونِ خصوصی وزیراعلیٰ پنجاب فردوس عاشق اعوان کا کہنا ہے کہ معصوم کشمیری بنیادی انسانی حقوق کو ترس رہے ہیں۔

وزیراعلیٰ پنجاب سردار عثمان بزدار کی معاونِ خصوصیفردوس عاشق اعوان نے اپنے ٹوئٹ میں کہا کہ پاکستان میں شہریوں کو یکساں بنیادی انسانی حقوق حاصل ہیں۔

انہوں نے اپنے ٹوئٹ میں کہا کہ بھارت مقبوضہ جموں وکشمیر میں انسانی حقوق کی دھجیاں اُڑا رہا ہے، معصوم کشمیری بنیادی انسانی حقوق کو ترس رہے ہیں۔

فردوس عاشق اعوان نے کہا کہ ریاست کی ذمہ داری ہے کہ اپنے شہریوں کے حقوق کا تحفظ یقینی بنائے، بزدار حکومت نے شہریوں کے بنیادی حقوق کے تحفظ کے لیے عملی اقدامات کیے۔