عورتوں اور بچوں پرجنسی تشدد کیخلاف نیا آرڈیننس آگیا، شیریں مزاری

وفاقی وزیر انسانی حقوق شیریں مزاری کا کہنا ہے کہ عورتوں اور بچوں پر جنسی تشدد کے خلاف نیا آرڈیننس آگیا ہے۔

انسانی حقوق کے عالمی دن پر وفاقی وزیر انسانی حقوق شیریں مزاری نے اپنے پیغام میں کہا کہ پی ٹی آئی حکومت نےانسانی حقوق آگے بڑھانے کی کوشش کی اور کررہی ہے۔

انہوں نے کہا کہ ہم نے عورتوں بچوں اور مظلوم طبقوں کے حقوق کے لیے کام کیا ہے، ہمارے دور میں کئی قوانین بنائےگئے ہیں۔

معصوم کشمیری بنیادی انسانی حقوق کو ترس رہے ہیں، فردوس عاشق

معاونِ خصوصی وزیراعلیٰ پنجاب فردوس عاشق اعوان کا کہنا ہے کہ معصوم کشمیری بنیادی انسانی حقوق کو ترس رہے ہیں۔

شیریں مزاری نے کہا کہ بچوں کے ساتھ تشدد پر زینب الرٹ قانون آگیا ہے، اس کے علاوہ وزیر اعظم پورٹل پر زینب الرٹ ایپلیکیشن بھی موجود ہے۔

انہوں نے اپنے پیغام میں مزید کہا کہ جن قوانین میں خلا ہیں ان کے لیے نئے قوانین بھی لائیں گے۔