سشمیتا سین کی بیٹی کا انسٹاگرام اکاؤنٹ ہیک

15 دسمبر ، 2020

بھارتی فلم انڈسٹری کی خوبرو اداکارہ سشمیتا سین کی بیٹی کا انسٹاگرام اکاؤنٹ ہیک ہو گیا۔

اپنے انسٹاگرام پر سشمیتا سین نے اپنی بیٹی رینی سین کے ہیک شدہ اکاؤنٹ کی تصویر پوسٹ کرتے ہوئے مداحوں کو اس واقعے سے آگاہ کیا۔

انہوں نے ساتھ میں یہ بھی کہا کہ 'برائے مہربانی نوٹ فرمالیں، میری بیٹی رینی کا انسٹاگرام اکاؤنٹ کسی بے وقوف نے ہیک کرلیا ہے جسے ابھی تک یہ بھی معلوم نہیں ہوسکا ہے کہ رینی نے نیا اکاؤنٹ بنالیا ہے اور بہت خوش ہے'۔

صارفین نے سشمیتا کو مشورہ دیا ہے کہ وہ اس معاملے کی پولیس کمپلین کریں جبکہ انسٹاگرام کو بھی اس حوالے سے آگاہ کیا جائے۔

ہیکرز کی جانب سے رینی سین کے اکاؤنٹ کو پرائیوٹ کردیا گیا ہے اور فالوورز کو بھی ان فالو کردیا گیا ہے۔

خیال رہے کہ 20 سالہ رینی سین بھی اپنی والدہ کی طرح فلم انڈسٹری میں پہچان بنانا چاہتی ہیں اور جلد ہی وہ شارٹ فلم 'سُٹا بازی میں نظر آئیں گی۔

تازہ ترین