فرمان الہی
نماز کے اوقات
ممبئی (مانیٹرنگ ڈیسک)بھارتی اداکارہ چترا کی خودکشی کے کیس میں ملزم کو گرفتار کر لیا گیا ہے۔غیر ملکی خبر رساں ادارے کے مطابق بھارتی اداکارہ چترا کی خودکشی کے معاملے میں ان کے شوہر ہیمنتھ کو گرفتار کرلیا گیا ہے۔اس حوالے سے پولیس کا کہنا ہے کہ چترا کے شوہر ہیمنتھ کو گرفتار کرلیا گیا ہے جبکہ ان کے خلاف خودکشی کے لیے اکسانے کا مقدمہ درج کیا گیا ہے۔پولیس حکام کا مزید کہنا ہے کہ یہ گرفتاری گزشتہ چند روز کے دوران تحقیق پر سامنے آئی ہے۔چند روز قبل بھارتی شوبز انڈسٹری کی 28 سالہ اداکارہ و میزبان چترا کمراج نے مبینہ طور پر خودکشی کرلی تھی۔یاد رہے کہ تامل ٹی وی کی معروف اداکارہ چترا کمراج 9 دسمبر کی صبح اپنے ہوٹل کے کمرے میں مردہ حالت میں پائی گئیں تھیں۔دوسری جانب رپورٹس میں یہ بات سامنے آئی ہیں کہ چترا اور ہیمنتھ نے دو ماہ قبل اپنی شادی رجسٹرڈ کروادئی تھی جبکہ وہ آئندہ ماہ جنوری میں روایتی انداز میں شادی کے بندھن میں بندھنے والے تھے۔ واضح رہے کہ چترا کے اہلِ خانہ نے ہیمنتھ کے خلاف شادی کے گھناؤنے کھیل کا الزام عائد کیا تھا اور اس کیس میں تحقیقات کا مطالبہ کیا تھا۔
