فرمان الہی
نماز کے اوقات
اسلام آباد میں جاری نیشنل جونیئر اسکواش چیمپئن شپ کے تیسرے روز مختلف کیٹگریز کی فائنل لائن اپ مکمل ہوگئی۔
پاکستان اسکواش فیڈریشن کے تحت جاری ایونٹ کے تیسرے روز 5 کیٹیگریز کے سیمی فائنلز کھیلے گئے۔
انڈر 13 کے سیمی فائنل میں محمد زمان نے عمیر عارف اور ہریرہ خان نے یشوا کو شکست دے دی۔
انڈر 15 میں انس علی شاہ نے صبور خان اور یاسین خٹک نے محمود محبوب کو مات دی۔
انڈر 17 کے سیمی فائنل میں حذیفہ زاہد نے محمد عماد اور محمدحمزہ نے فہد شریف کو شکست دی۔
انڈر 19 کے مقابلوں میں نور زمان نے محمد فرحان اور اشب عرفان نے خوشحال ریاض کو ہرایا۔
گرلز سیمی فائنل میں زینب خان نے نورالعین کو اور مائرہ حسین نے حرا عقیل کو شکست دے دی۔
ایونٹ کی تمام کیٹگریز کے فائنلز کل اسلام آباد اسپورٹس کمپلیکس میں کھیلے جائیں گے۔
