PIA کی آج سعودی عرب آنے جانے والی 18 پروازیں منسوخ

سعودی حکومت کی جانب سے بین الاقوامی پروازوں پر پابندی کے بعد پی آئی اے نے 21 دسمبر کی 18 پروازیں منسوخ کر دیں ہیں اور متاثرہ مسافروں کو پی آئی اے کال سینٹرز پر رابطہ کرکے درست فون نمبرز کے ساتھ معلومات فراہم کرنے کی ہدایت کی ہے۔

پاکستان میں کورونا وائرس سے مزید 62 اموات

پاکستان میں کورونا وائرس کی دوسری لہر جاری ہے، یہاں کورونا وائرس کے کیسز اور اس سے اموات میں کمی کے بعد اب ان میں تیزی سے اضافہ ہو رہا ہے، کورونا مریضوں کی تعداد کے حوالے سے مرتب کی گئی فہرست میں پاکستان 29 ویں نمبر پر ہے۔

ترجمان پی آئی اے کے مطابق پی کے 9739 اور 9760 ملتان جدہ لاہور منسوخ کردی گئی، لاہور جدہ لاہور، اسلام آباد دمام اسلام آباد، لاہور دمام لاہور، کراچی مدینہ اور مدینہ کراچی بھی منسوخ کردی گئی ہے۔

اس کے علاوہ لاہور تا مدینہ، مدینہ تا کراچی بھی منسوخ کردی گئی، مدینہ تا ملتان اور کراچی جدہ کراچی بھی منسوخ کی گئی ہے۔

کورونا، یورپی ممالک کے بعد سعودیہ کی بھی برطانیہ کیلئے سفری پابندیاں

کورونا کے بڑھتے کیسز کے باعث یورپی ممالک کے بعد سعودی عرب نے بھی برطانیہ سے فضائی اور بحری رابطے معطل کرنے کا فیصلہ کرلیا۔

ترجمان پی آئی اے کے مطابق جب تک پروازوں کے اجازت نامہ دوبارہ حاصل نہیں ہوتا پروازیں منسوخ رہیں گی، متاثرہ مسافروں کو پروازیں بحال ہوتے ہی پروازوں پر ایڈجسٹ کیا جائے گا۔

پی آئی اے کا کہنا ہے کہ اس حوالے سے تمام مسافروں اپنے درست فون نمبرز پرکال سنٹر 111-786-786کے ذریعہ اندراج کروائیں اور کسی بھی معلومات کیلئے کال سینٹر پر رابطہ کرسکتے ہیں۔

نون لیگ کی سینیٹر کلثوم پروین کورونا وائرس سے انتقال کر گئیں

مسلم لیگ نون کی سینیٹر محترمہ کلثوم پروین بھی کرونا وائرس کے باعث انتقال کرگئیں۔

واضح رہے کہ کورونا وائرس کی وباء کے دوبارہ پھیلنے کے باعث سعودی حکومت نے غیر ملکی ایر لائنز کی ملک میں آمد پر فوری پابندی عائد کردی ہے۔

غیرملکی پروازوں کی سعودیہ عرب آمد سے متعلق پابندی کا نوٹیفیکشن سعودی سول ایوی ایشن اتھارٹی نےجاری کیا ہے۔

نوٹی فیکیشن کے مطابق پابندی میں مزید ایک ہفتہ کا اضافہ کیا جا سکتا ہے،شیڈول پروازوں کےعلاوہ ہر قسم کی چارٹر پروازوں کی آمد پر بھی پابندی رہے گی تاہم کارگو پروازوں پر اس پابندی کا اطلاق نہیں ہوگا۔

اس کے علاوہ سعودی عرب میں موجود غیر ملکی پروازوں کو ملک سے روانگی کی اجازت ہوگی۔