میئر اسلام آباد کا انتخاب ، پی ٹی آئی نے ملک ساجد محمود، ن لیگ نے عادل گیلانی کوٹکٹ جاری کر دیا

اسلام آباد (خبر نگار، خصوصی رپورٹ) پاکستان تحریک انصاف نے میئر اسلام آباد کے انتخاب کے لئے ملک ساجد محمود کو پارٹی ٹکٹ جاری کر دیا ۔ پی ٹی آئی کے مرکزی میڈیا ڈیپارٹمنٹ کے مطابق میئر اسلام آباد کے انتخاب کے لئے چیف آرگنائزر سیف اللہ خان نیازی نے ملک ساجد محمود کو باضابطہ ٹکٹ جاری کردیا ۔ملک ساجد محمود نے مرکزی سیکرٹری جنرل عامر محمود کیانی سے ملاقات کی اور پارٹی ٹکٹ وصول کیا۔ دریں اثناء وفاقی دارالحکومت اسلام آباد کے میئر کے انتخاب کے لیے پاکستان تحریک انصاف کے ملک ساجد محمود اور پاکستان مسلم لیگ ن کے پیر عادل گیلانی کے درمیان مقابلہ 28 دسمبر کو ہوگا۔ ضمنی انتخاب کے لیے ڈسٹرکٹ الیکشن کمشنر اسلام آباد کو ریٹرننگ افسر تعینات کر دیا گیا ہے۔