فرمان الہی
نماز کے اوقات
نارووال اسپورٹس سٹی کمپلیکس ریفرنس میں سابق وفاقی وزیر احسن اقبال سمیت دیگر ملزمان پر فرد جرم عائد کردی گئی۔
عدالت میں احسن اقبال نے فرد جرم پر اعتراض کیا اور الزامات کو تسلیم کرنے سے انکار کردیا۔
کیس کی سماعت کے دوران سابق وفاقی وزیر نے کہا کہ جج کو صرف پراسیکیوشن کی بات نہیں سننی ہوتی، پہلے یہ بھی دیکھنا ہوتا ہے کہ کیس بنتا بھی ہے یا نہیں؟
اس پر جج نے جواب دیا کہ ہم ایسی باتیں سننے کے لیے یہاں نہیں بیٹھے ہیں، آپ کو کوئی درخواست دائر کرنی ہے تو کریں یا وکیل کے ذریعے بات کریں۔
اس کے بعد جج نے اگلی سماعت 12 جنوری تک ملتوی کرتے ہوئے قومی احتساب بیورو (نیب) سے گواہ طلب کرلیے ہیں۔
عدالت کے باہر گفتگو میں احسن اقبال نے عدالتی کارروائی براہ راست دکھانے کا مطالبہ کیا اور کہا کہ خود کو اسپورٹس مین کہنے والے وزیراعظم کے دور میں کھیلوں کا منصوبہ لگانا جرم بن گیا۔
