• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تربت یونیورسٹی ‘ مختلف شعبوں میں انٹری ٹیسٹ کے شیڈول کا اعلان

میرا شہر
کوئٹہ
23 دسمبر ، 2020
کوئٹہ(اسٹاف رپورٹر)یونیورسٹی آف تربت کے مین کیمپس تربت ، گوادر کیمپس اور پنجگور کیمپس میں مختلف بی ایس پروگرامز میں اسپرنگ سمسٹر 2021 میں داخلہ لینے کے لئے انٹری ٹیسٹ اور انٹرویوز 28 سے 31 دسمبر 2020 کو ہوں گے۔ رجسٹرار آفس یونیورسٹی آف تربت سے جاری اعلامیہ کے مطابق یونیورسٹی آف تربت کے مین کیمپس تربت میں شعبہ ایجوکیشن کے انٹری ٹیسٹ اور انٹریوز 28 دسمبر،شعبہ انگلش،بلوچی،سوشیالوجی، ہسٹری اور پولیٹیکل سائنس کے انٹری ٹیسٹ ، انٹریوز 29 دسمبر ، شعبہ منیجمنٹ سائنسز،کمپیوٹر سائنس اور اکنامکس کے انٹری ٹیسٹ و انٹریوز 30 دسمبر جبکہ شعبہ کیمسٹری،بائیو کیمسٹری، بائیو ٹیکنالوجی اور باٹنی کے انٹری ٹیسٹ اور انٹرویوز31 دسمبر 2020 کو متعلقہ ڈیپارٹمنٹس مین کیمپس تربت میں ہوں گے۔ گوادر کیمپس شعبہ ایجوکیشن اور کامرس کے انٹری ٹیسٹ اور انٹریوز 28 دسمبر جبکہ شعبہ کمپیوٹر سائنس اور منیجمنٹ سائنسز کے انٹری ٹیسٹ اور انٹرویوز 29 دسمبر کو گوادر کیمپس میں ہوں گے۔ پنجگور کیمپس شعبہ ایجوکیشن کے انٹری ٹیسٹ اور انٹرویوز 28 دسمبر جبکہ شعبہ باٹنی ، انگلش اور کمپیوٹرسائنس میں انٹری ٹیسٹ اور انٹرویوز 29 دسمبر 2020 کو پنجگور کیمپس میں ہوں گے۔تمام امیدواروں کو ہدایت کی گئی ہے کہ وہ مقررہ تاریخوںپرصبح ساڑھے نو بجے انٹری ٹیسٹ کے روز اصل تعلیمی کوائف،اسناد اور کمپیوٹرائزڈشناختی کارڈ ضروراپنے ساتھ لائیں۔ تمام امیدواروں کو ہدایت کی گئی ہے کہ کروناوائرس سے بچنے کے لئے تمام ایس او پیزپرسختی سے عمل کریں۔
تازہ ترین