-
فرمان الہی
-
نماز کے اوقات
- جمعرات 16؍شوال المکرم 1445ھ25؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
بھارتی رئیلٹی شو بگ باس کے ساتویں سیزن کی فاتح ماڈل اور اداکارہ گوہر خان نے اپنی شادی کے بعد شوہر زید دربار کے ہمراہ سوشل میڈیا پر پہلی بار تصاویر شیئر کردیں۔
حال ہی میں معروف بالی ووڈ میوزک کمپوزر اسماعیل دربار کے بڑے بیٹے زید دربار کے ساتھ رشتۂ ازدواج میں منسلک ہونے والی بالی ووڈ اداکارہ گوہر خان نے اپنے انسٹاگرام اکاؤنٹ پر شوہر کے ہمراہ نئی تصویریں شیئر کی ہیں۔
گوہر خان کی جانب سے شیئر کی جانے والی تصویروں میں اُنہوں نے جو شرٹ زیب تن کی ہوئی ہے اُس پر ’Wifey‘ لکھا ہوا ہے جبکہ زید دربار کی شرٹ پر ’Hubby‘ درج ہے۔
پہلی تصویر میں گوہر خان اپنے شوہر کی کسی بات پر شرماتی نظر آرہی ہیں جبکہ دوسری تصویر میں وہ زید دربار کی طرف اشارہ کررہی ہیں۔
گوہر خان نے اس پوسٹ کے کیپشن میں دل والا ایموجی بنایا۔
بالی ووڈ اداکارہ نے دو گھنٹے قبل ہی انسٹاگرام پر یہ تصویریں پوسٹ کی ہیں جن پر اب تک دو لاکھ 52 ہزار سے زائد لائکس آچکے ہیں جبکہ صارفین کی جانب سے اس نئی جوڑی کے لیے نیک خواہشات کا اظہار بھی کیا جارہا ہے۔
دوسری جانب زید دربار نے بھی اپنے انسٹاگرام اکاؤنٹ پر یہ نئی تصویریں شیئر کی ہیں۔
خیال رہے کہ بالی ووڈ اداکارہ گوہر خان اور زید دربار حال ہی میں جمعتہ المبارک کے موقع پر رشتۂ ازدواج میں منسلک ہوئے تھے۔
اس جوڑے نے بعد نمازِ جمعہ ممبئی میں رشتہ داروں اور قریبی دوستوں کی موجودگی میں نکاح کیا تھا۔
