• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایران میں برفانی طوفان کے باعث 10کوہ پیما ہلاک

آج کا اخبار
یورپ سے
30 دسمبر ، 2020
تہران (جنگ نیوز )ایران کے دارالحکومت کے قریب برفانی طوفان کے باعث 10کوہ پیما ہلاک اور متعدد لاپتا ہوگئے ،تفصیلات کے مطابق ایران کے دارالحکومت تہران کے شمال میں واقع پہاڑوں میں ہونے والی شدید برف باری کے بعد کم از کم 10کوہ پیما ہلاک اور متعدد لاپتا ہو گئے۔ برطانوی میڈیا کے مطابق ایران میں حالیہ دنوں میں ہونے والی برف باری اور تیز ہواؤں کے سبب ملک کے اکثر حصوں میں شاہراہیں بند ہو گئی ہیں۔ جب کہ ذرائع آمد و رفت بھی متاثر ہوئے ہیں۔ایران میں متعدد کوہ پیما بھی لاپتا ہیں۔ جب کہ جمعے کو دو ہلاکتوں کی تصدیق کی گئی تھیں۔سرکاری میڈیا کے مطابق کوہ پیماؤں کے خاندان حکام سے رابطے میں ہیں۔ جب کہ حکام نے لاپتا کوہ پیماؤں کی تعداد میں اضافے کے خدشات بھی ظاہر کیے ہیں۔ریڈ کریسنٹ میں ایمرجنسی آپریشن کے سربراہ مہدی ولی پور کا کہنا ہے کہ کوہ پیماؤں کی ہلاکت پہاڑوں پر ہوئی۔ جب کہ ایک کوہ پیما جسے ریسکیو کیا گیا تھا۔ اس کی موت اسپتال میں ہوئی۔مہدی ولی پور کا مزید کہنا تھا کہ کم از کم 7کوہ پیما تاحال لاپتا ہیں۔دوسری طرف ایرانی میڈیا کے مطابق میری ٹائم کے حکام جمعے کو خلیج میں پھنسنے والے ایرانی بحری جہاز کے سات اہلکاروں کی تلاش میں ہیں۔میری ٹائم کے نائب سربراہ اسماعیل مکی زادہ کا کہنا ہے کہ وہ لاپتا اہلکاروں کی تلاش میں تمام دستیاب سہولیات اور فورسز کا استعمال کر رہے ہیں اور عمان، متحدہ عرب امارات اور پاکستان کے ریسکیو سینٹرز کو مطلع کر دیا ہے۔
تازہ ترین