فرمان الہی
نماز کے اوقات
ایسوسی ایشن آف بلڈرز اینڈ ڈیویلپرز (آباد) کے چیئرمین فیاض الیاس وزیراعظم عمران خان کے فیصلے سے خوش ہیں، کہتے ہیں کہ وہ معاشی پیکیج میں توسیع کے وزیراعظم عمران خان کے فیصلے کا خیرمقدم کرتے ہیں۔
چیئرمین آباد فیاض الیاس کا کہنا تھا کہ لوگوں کو سستے گھر ملیں گے، معاشی نمو بڑھے گی۔
ان کا کہنا تھا کہ ذرائع آمدن نہ پوچھنے کی چھوٹ 30 جون 2021 تک بڑھائی گئی ہے، فکس ٹیکس رجیم دسمبر 2021 تک بڑھائی گئی ہے۔
چیئرمین آباد نے کہا کہ مارچ 2023 تک گھر خریدنے والوں سے ذرائع آمدن نہیں پوچھی جائے گی۔
ان کا کہنا تھا کہ بلڈرز کو اپنے منصوبے مکمل کرنے کا وقت 30 دسمبر 2024 تک بڑھایا گیا ہے۔
سرپرستِ اعلیٰ آباد محسن شیخانی نے کہا کہ وزیراعظم عمران خان کے تعمیراتی پیکیج کے توسیع فیصلے کا خیرمقدم کرتے ہیں۔
ان کا کہنا تھا کہ وزیراعظم کا فیصلہ معاشی بہتری کا سبب ہوگا۔
