ونڈر وومن 1984نے 100 ملین ڈالرز کمالیے

ہالی ووڈ فلم ونڈر وومن 1984ء نے دنیا بھر میں 100 ملین ڈالر ز کمالیے ہیں۔

فلم کے ڈسٹری بیوٹرز کے مطابق پیٹی جین کینز کی ہدایت کاری میں بننے والی فلم ونڈر وومن، جس میں گال گاڈٹ، کرسٹن ونگ، پیڈرو پاسکل اور کرس پائن نے اداکاری کے جوہر دکھائے ہیں نے دنیا بھر میں 100 ملین ڈالرز کا بزنس کرلیا ہے۔

فلم کے ڈومیسٹک ڈسٹری بیوٹر جیف گولڈ سٹین اور انٹرنیشنل فلم ڈسٹری بیوشن کے صدر اینڈریو کرپس نے نئے سال کے موقع پر ونڈر وومن کے حوالے سے مشترکہ بیان جاری کیا ہے۔

جیف گولڈ اسٹین اور اینڈریو کرپس نے بیان میں کہا کہ وہ ونڈر وومن کی کاسٹ، ہدایت کار اور عملے کو مبارک باد پیش کرتے ہیں، فلم بینوں کی محبت ناقابل بیان ہے، یہ ایک سنسنی خیز تجربہ ہے۔

دنیا بھر میں جہاں کہیں بھی بازار سینما ہاؤسز کھلے ہیں وہاں ڈیانا پرنس کی ایکشن سے بھرپور کہانی کو خوب پذیرائی بخشی گئی ہے۔

بھارت میں اس فلم کو چند دن قبل ہی ریلیز کیا گیا، بھارتی اخبار کی نقاد نے اس فلم کو 2 اسٹار دیے تاہم انہوں نے جین کینز کے کام کی تعریف کی۔