فرمان الہی
نماز کے اوقات
بالی ووڈ اسٹار انیل کپور نے معاوضے کے فرق سے متعلق سوال پر کرینہ کپور خان کو لاجواب کردیا۔
بھارتی فلم انڈسٹری میں مرد اور خواتین کے معاوضے میں فرق کی جنگ کئی برس سے جاری ہے، تاہم جب یہ بات انیل کپور اور کرینہ کپور کے درمیان چھڑی تو اداکارہ لاجواب ہوگئیں۔
انیل کپور جو آج کل اپنی فلم’اے کے بمقابلہ اے کے‘ کی پرمووشن میں مصروف ہیں، وہ کرینہ کپور کے چٹ چیٹ شو ’واٹ وومن وانٹ‘ میں پہنچ گئے۔
بھارتی سپر اسٹار کے فلم میں دوسرے اداکار اور نامور فلم ساز انوراگ کشپ بھی موجود تھے۔
کرینہ کپور نے مرد اور خواتین اداکاروں کے معاوضے میں فرق کا تذکرہ کیا، ساتھ ہی مثال دی کہ ہالی ووڈ میں بہت سے مرد اداکار اپنی خواتین کو برابری کا معاوضہ دینے کے حامی ہیں۔
اس پر انیل کپور نے اداکارہ سے کہا کہ تم نے تو مجھ بہت زیادہ پیسے لیے ہیں، جس پر کرینہ کپور ہنس دیں اور خاموش ہوگئیں۔
انہوں نے ساتھ ہی بات بدلتے ہوئے کہا کہ ہم بہت سے رکاوٹیں توڑرہے ہیں اور ہم ایسا کررہے ہیں، لیکن اب بھی کچھ ہیں جو ہمارا راستہ روکتے ہیں۔
اس پر انیل کپور نے واقعہ شیئر کرتے ہوئے کہا کہ مجھے پروڈیوسر نے فون کیا اور کہا کہ کرینہ کپور تو ہیرو جتنا معاوضہ مانگ رہی ہے، اس پر میں نے انہیں کہاکہ وہ جو مانگ رہی ہے دے دو۔
بھارتی فلم اسٹار نے دعویٰ سے کہا کہ فلم انڈسٹری کی تمام نامور اداکاراؤں نے اپنی بہترین فلمیں میرے ساتھ کی ہیں، اس دوران انہوں نے جدائی فلم کی مثال بھی پیش کی جب ان کے مقابل دو خواتین اداکاروں نے پرفارم کیا۔
کرینہ کپور نے شو کےآغاز میں ہی کہا کہ اب فلم انڈسٹری میں خواتین کے لیے حالات بدل رہے ہیں، اس پر آپ دونوں کی کیا رائے ہے۔
اس پر انیل کپور نے جواب دیتے ہوئے کہا کہ میں نے ہمیشہ خواتین کو خود سے بالا تر محسوس کیا ہے، انہیں یہ احساس بھی کروانا چاہیے، میری بیوی اور بیٹی اپنے فیصلے خود کرتی ہیں۔
اس سے قبل ایک انٹرویومیں کرینہ کپور یہ اعتراف کرچکی ہیں کہ میں اور اکشے کمار فلم انڈسٹری کے وہ لوگ ہیں جو ایوارڈ سے زیادہ ریورڈپر یقین رکھتےہیں۔
