فرمان الہی
نماز کے اوقات
لاہور(آئی این پی)وزیراعلی پنجاب کی معاون خصوصی برائے اطلاعات فردوس عاشق اعوان نے کہا ہے کہ مریم نواز کو عام آدمی کےمسائل کاعلم ہی نہیں مریم نواز دعوے نہ کریں بلکہ اب استعفوں پرعمل کریں، اتوار کو پاکستان ڈیموکریٹک مومنٹ کے رہنماؤں کی تقاریر پر ردعمل دیتے ہوئے فردوس عاشق اعوان نے کہا کہ مریم نواز چاند پر تھوکنے کی کوشش کر رہی ہیں،ملکی سالمیت کو دا پر لگا کر سیاست کرنے والے ملک کے خیرخواہ نہیں ہیں، جعلی راج کماری بہاولپور میں حکومت کو گرانے نکلی ہے، مریم نواز کے رانا ثنااللہ کی تعریف پر حاضرین گتھم گتھا ہوگئے،بہاولپور نے بھی وہی فیصلہ دیا جو لاہور دے چکا ہے،بہاولپور کے عوام( ن) لیگ سے نظرانداز کرنے کا حساب مانگ رہے ہیں۔ فردوس عاشق اعوان نے کہا کہ ماڈل ٹاون لاہور کے قاتل کو ساتھ کھڑا کر کے مریم نواز کس منہ سے انصاف کی بات کرتی ہیں۔فردوس عاشق اعوان نے کہا کہ سند یافتہ جعلساز اب وزیراعظم اور اسمبلیوں کو جعلی کہہ رے ہیں، فضل الرحمن کو کشمیر پر بات کرتے ہوئے کوئی شرم بھی نہیں آتی،فضل الرحمن نے حکومت کخلاف مذہب کارڈ استعمال کرنے کی مذموم حرکت کی۔انہوں نے کہا کہ مدارس کے بچوں کو سیاسی مقاصد کیلئے استعمال کرنا سفاکی اور غداری ہے،مدرسوں کے طالب علموں کو لاکر سیاسی اسپاٹ فکسنگ کا مظاہرہ کیا گیا۔
