نیوزی لینڈ کی پہلی اننگز میں بیٹنگ جاری

کرائسٹ چرچ ٹیسٹ کے دوسرے دن نیوزی لینڈ کی پہلی اننگز جاری ہے، اس وقت تیسرے سیشن کا کھیل ہورہا ہے، ابتدائی تین نقصانات کے بعد کپتان کین ولیمسن اور ہنری نکلز نے صورتحال کو سنبھال لیا ہے ۔

میچ کے دوسرے دن پہلی اننگز میں 71 رنز پر تین وکٹوں سے محروم ہونے کے بعد نیوزی لینڈ کے کپتان کین ولیمسن اور ہنری نکلز نے شاندار بیٹنگ کی۔

ولیمسن اپنی 33ویں نصف سنچری مکمل کرنے میں کامیاب ہوئے جبکہ چوتھی وکٹ پر دونوں بیٹسمین سنچری پارٹنرشپ بھی بناچکے ہیں۔

پاکستان 297 پر آل آؤٹ، اظہر نروس نائنٹیز کا شکار

کرائسٹ چرچ ٹیسٹ کے پہلے روز پاکستان کی پوری ٹیم 83 ویں اوور میں 297 رنز پر آؤٹ ہوگئی، اظہر علی نروس نائنٹیز کا شکار ہوئے وہ 93 رنز کی شاندار اننگز کھیل کر آؤٹ ہوئے، کیویز پہلی اننگ میں بیٹنگ کا آغاز دوسرے روز کریں گے۔

ہنری نکلز نے بھی پاکستانی بولرز کا ڈٹ کر مقابلہ کرتے ہوئے نصف سنچری اسکور کی، اس سے پہلے نیوزی لینڈ کے اوپنر ٹام بلنڈل 16، لیتھم 33 اور راس ٹیلر 12 رنز بناکر آؤٹ ہوئے ۔

پاکستان کی جانب سے شاہین آفریدی ، محمد عباس اور فہیم اشرف نے ایک ایک کھلاڑی کو آؤٹ کیا ہے۔