فرمان الہی
نماز کے اوقات
کراچی کی مشہور برنس روڈ فوڈ اسٹریٹ پر شام 7 بجے سے گاڑیوں کا داخلہ ممنوع قرار دے دیا گیا ہے۔
اس حوالے سے جاری نوٹیفکیشن کے مطابق 10 جنوری سے برنس روڈ فوڈ اسٹریٹ کو پیدل چلنے کے لیےمختص کردیا جائے گا۔
نوٹیفکیشن کے مطابق شاہراہ لیاقت کو فریسکو سے کورٹ روڈ تک شام 7 بجے سے گاڑیوں کے لیے بند کردیا جائے گا۔
آرام باغ سے آنے والی ٹریفک کو ایم اے جناح روڈ اور دائیں جانب پیپلز اسکوائر پر موڑا جائےگا۔
نوٹیفکیشن کے مطابق فریسکو سے فاطمہ جناح ویمن کالج تک سڑک پیدل چلنے کے لیے مختص ہوگی۔
نوٹیفکیشن کے مطابق رہائشیوں کے لیے گاڑیوں کے اسٹیکرز جاری کئے جائیں گے، فوڈ اسٹریٹ آنے والوں کو ویلے پارکنگ کی سہولت مہیا کی جائے گی۔
ایمرجنسی صورتحال سے نبردآزما ہونے کے لیے راستہ رکھا جائے گا، سڑک کے دونوں اطراف مارکنگ کی جائے گی تاکہ ہوٹلز کرسیاں آگے نہ رکھ سکیں۔
