آپ آف لائن ہیں
اتوار3؍جمادی الثانی 1442ھ 17؍جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سعودی فرمانروا شاہ سلمان بن عبدالعزیز نے کورونا وائرس ویکسین لگوالی


سعودی فرمانروا شاہ سلمان بن عبدالعزیز نے عالمی وبا کورونا وائرس سے بچاؤ کی ویکسین لگوالی، انہیں ویکسین انجکشن کے ذریعے لگائی گئی۔

خادم حرمین شریفین شاہ سلمان بن عبدالعزیز کو جمعے کے روز نیوم میں کورونا ویکسین کا پہلا انجیکشن لگایا گیا۔

غیر ملکی میڈیا رپورٹس کے مطابق وزیر صحت ڈاکٹر توفیق الربیعہ نے کورونا ویکسین کی پہلی خوراک لینے پر شاہ سلمان کا شکریہ ادا کیا ہے۔

وزیر صحت نے کہا کہ ’خادم حرمین شریفین کے مشکور ہیں کہ انہوں نے وبا کے آغاز سے لے کر اب تک وطن عزیز کی سرزمین پر موجود سعودی شہریوں اور مقیم غیرملکیوں کے مفاد کے لیے ہر ممکن مدد کی۔‘


وزیر صحت نے بتایا کہ ’خادم حرمین شریفین نے کورونا وائرس سے بچاؤ کے لیے ویکسین کی پہلی خوراک لی ہے۔‘

اس سے قبل سعودی عرب کے ولی عہد و نائب وزیر اعظم شہزادہ محمد بن سلمان نے کورونا ویکسین کے قومی منصوبے کے تحت ویکسین لگوائی تھی، انہیں بھی ویکسین انجکشن کے ذریعے لگائی گئی تھی۔

بین الاقوامی خبریں سے مزید