فرمان الہی
نماز کے اوقات
وزیراعلیٰ سندھ نے شیر شاہ سائٹ ایریا کی فیکٹری میں لگنے والی کی رپورٹ طلب کرتے ہوئے واقعے کی فوری تحقیقات کا حکم دے دیا۔
وزیراعلیٰ سندھ نے متعلقہ اداروں کو ریسکیو آپریشن تیز کرنے کی ہدایت کردی۔
وزیراعلیٰ کا کہنا ہے کہ صوبے بھر کی فیکٹریوں میں ہر قسم کے کیمیکلز کا جامع آڈٹ کیا جائے، خطرناک کیمیکلز کے ذخیرے اور استعمال کا مکمل ریکارڈ مرتب کیا جائے۔
مراد علی شاہ نے کہا کہ صنعتی یونٹس میں کیمیکل سیفٹی پروٹوکول پر سختی سے عملدرآمد کروایا جائے۔ بغیر اجازت خطرناک مواد ذخیرہ کرنے والوں کے خلاف کارروائی ہوگی۔
انہوں نے ہدایت کی کہ فیکٹریوں میں فائر سیفٹی اور کیمیکل اسٹوریج کا فوری معائنہ کیا جائے، تمام صنعتی علاقوں کی مشترکہ انسپکشن مہم شروع کی جائے، آڈٹ رپورٹ فوری طور پر وزیراعلیٰ آفس کو پیش کی جائے۔
وزیراعلیٰ سندھ نے کہا کہ عوام اور مزدوروں کی جانوں سے کھیلنے کی اجازت کسی کو نہیں دی جائے گی۔
