فرمان الہی
نماز کے اوقات
کوئٹہ (نمائندہ جنگ) تربت میں سنیماچوک پرسیکورٹی فورسز کی چیک پوسٹ کے قریب دستی بم حملے میں ایک مکینک سمیت 5افراد زخمی ہو گئے جبکہ 2 گاڑیوں کونقصان پہنچا‘ چار زخمیوں کا تعلق سندھ اور پنجاب سے ہے حملے میں سیکورٹی اہلکار محفوظ رہے‘علاقے کو گھیرے میں لے لیا گیا ۔ پولیس کےمطابق کیچ کے ہیڈکوارٹر تربت بازار سینما چوک کے قریب واقع سیکورٹی فورسز کی چیک پوسٹ پر گزشتہ روز نامعلوم موٹرسائیکل سواروں نے دستی بم پھنکنے کی کوشش کی جو چیک پوسٹ کے قریب گر کر زور دار دھماکے سے پھٹ گیا جس کے نتیجے میں موٹرسائیکل مستری لیاقت ولد اللہ یار لودھراں پنجاب ،نعیم ولد فاروق بہاولپور ، نصیب خان ولد مشکور علی ،ذیشان ولد محران سندھ جبکہ لیاقت ولد ظفر جس کا تعلق تربت سے ہے زخمی ہو گئے جبکہ سیکورٹی فورسز کے اہلکار معجزانہ طور پر محفوظ رہے ۔دھماکے سے قریب کھڑی دو گاڑیوں کو نقصان پہنچا اطلاع ملنے پر پولیس اور سیکورٹی فورسز کی بھاری نفری نے موقع پر پہنچ کر علاقے کو گھیرے میں لے کر زخمیوں کو ہسپتال پہنچایا ۔
