آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

نواز شریف لوٹی ہوئی رقم واپس کر کے سیاست چھوڑ دیں: جلیل شرقپوری

مسلم لیگ نون کے ناراض رکنِ پنجاب اسمبلی میاں جلیل شرقپوری کہتے ہیں کہ نواز شریف لوٹی ہوئی رقم واپس کر کے سیاست چھوڑ دیں۔

شرقپور میں میڈیا سے گفتگو کرتے ہوئے مسلم لیگ نون کے ناراض رکنِ پنجاب اسمبلی میاں جلیل شرقپوری کا کہنا ہے کہ شہباز شریف کی لندن میں اربوں روپے کی پراپرٹی کو میں بھی جانتا ہوں۔

انہوں نے کہا کہ نواز شریف پاکستان کو مستقل چھوڑ کر لندن رہیں، ان کے علاوہ دیگر سینئر مسلم لیگی رہنماؤں کو آگے آنا چاہیئے۔

جلیل شرقپوری کا کہنا ہے کہ رانا تنویر حسین مسلم لیگ نون کے صدر کیوں نہیں بن سکتے؟

ناراض مسلم لیگی رہنما نے کہا کہ ڈونلڈ ٹرمپ مولانا فضل الرحمٰن کو امریکا بلوا کر ان کی خدمات حاصل کریں۔


انہوں نے مزید کہا کہ مولانا فضل الرحمٰن اداروں کے خلاف چلنے کا تجربہ رکھتے ہیں، لندن براڈ شیٹ کیس کو ری اوپن کیا جائے۔

ناراض نون لیگی رکنِ پنجاب اسمبلی جلیل شرقپوری کا یہ بھی کہنا ہے کہ نواز شریف کو باہر جانے کی اجازت دینے والے اب انہیں واپس لائیں۔

قومی خبریں سے مزید