آپ آف لائن ہیں
بدھ6؍ جمادی الثانی 1442ھ 20؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شہزاد اکبر نے عظمیٰ بخاری کو بھی نوٹس بھیج دیا


براڈ شیٹ سے کمیشن طلب کرنے کے الزمات پر مشیر داخلہ برائے احتساب شہزاد اکبر نے نون لیگی رہنما عظمیٰ بخاری کو بھی ہرجانے کا نوٹس بھیج دیا ہے۔

وزیراعظم کے مشیر برائے احتساب شہزاد اکبر نے نوٹس میں مسلم لیگ نون کی رہنما عظمیٰ بخاری سے الزامات پر معافی مانگنے کا مطالبہ کیا ہے۔

نوٹس میں کہا گیا ہے کہ عظمیٰ بخاری نے ٹی وی شو میں بے بنیاد الزمات لگائے۔ لیگی رہنما معافی مانگیں یا 50 کروڑ ہرجانہ ادا کریں۔

شہزاد اکبر نے اپنے بیان میں بھی کہا کہ ہرجانے کی رقم وصول کر کے خیراتی اداروں کو دوں گا۔

یاد رہے کہ گذشتہ روز مشیر داخلہ برائے احتساب شہزاد اکبر کی جانب سے ترجمان ن لیگ مریم اورنگزیب کو 50 کروڑ ہرجانے کا نوٹس بھیجا گیا تھا۔

نوٹس میں کہا گیا تھا کہ مریم اورنگزیب مجھ سے متعلق ہتک آمیز بیان واپس لیں، وہ اپنے بیانات پر 14 دن میں غیر مشروط معافی مانگیں۔

قومی خبریں سے مزید