آپ آف لائن ہیں
بدھ6؍ جمادی الثانی 1442ھ 20؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

PDM کا بیانیہ ریاست کے خلاف ہے: اعجاز شاہ

وزیرِ انسدادِ منشیات اعجاز شاہ اپوزیشن جماعتوں کے اتحاد پاکستان ڈیموکریٹک موومنٹ کو ہدفِ تنقید بناتے ہوئے کہتے ہیں کہ پی ڈی ایم کا بیانیہ ریاست کے خلاف ہے۔

لاہور میں میڈیا سے گفتگو کرتے ہوئے وزیرِ انسدادِ منشیات اعجاز شاہ کا کہنا ہے کہ پی ڈی ایم کمزور ہوئی ہے، ان ہاؤس تبدیلی سیاسی عمل ہے۔

انہوں نے نون لیگ کو اپنے طنز کا نشانہ بناتے ہوئے کہا کہ مسلم لیگ نون کے لاہور میں ایم این ایز اور ایم پی ایز ہونے کے باجود ان کا جلسہ فلاپ ہوا۔

وزیرِ انسدادِ منشیات کا کہنا ہے کہ ہمارے ہاں کوئی ذہنی بیمار ہو تو اسے مولوی کے پاس دم کرانے لے جاتے ہیں، جب ایک معاشرے میں 50 فیصد افراد ذہنی بیمار ہوں تو اس معاشرے کا کیا بنے گا؟

انہوں نے کہا کہ منشیات وہ لوگ لینے لگتے ہیں جو معاشرے سے مطمئن نہ ہوں، کوئی گرل فرینڈ سےشادی نہ ہونے کے دکھ میں منشیات کی راہ پر لگ جاتا ہے۔


وزیرِ انسدادِ منشیات اعجاز شاہ کا مزید کہنا ہے کہ ہمارے معاشرے میں مسائل تب شروع ہوئے جب ہم نے اپنی اقدار بھلائیں۔

انہوں نے یہ بھی کہا کہ امیر والدین کے بچے اس لیے منشیات لینے لگتے ہیں کہ ان کے پاس اور کوئی مسائل نہیں ہوتے، وہ واٹ نیکسٹ کے چکر میں منشیات کی راہ پر لگ جاتے ہیں۔

قومی خبریں سے مزید