پنجاب کا ٹائیفائیڈ سے بچاؤ کیلئے خصوصی مہم کا اعلان

18 جنوری ، 2021

پنجاب حکومت کا ٹائیفائیڈ سے بچاؤ کیلئے خصوصی مہم شروع کرنیکا اعلان

پنجاب حکومت نے ٹائیفائیڈ سے بچاؤ کے لیے خصوصی مہم شروع کرنے کا اعلان کیا ہے۔

ڈائریکٹر ای پی آئی ڈاکٹر بشیر احمد نے اپنے ایک بیان میں کہا کہ پنجاب میں یہ مہم دو مراحل میں شروع کی جائے گی،پہلے مرحلے میں پنجاب کے 12 اضلاع میں مہم یکم فروری سے شروع ہوگی۔

جس میں 9 ماہ سے بارہ سال کی عمرکے بچوں کو ٹائیفائیڈ سے بچاؤکے حفاظتی ٹیکے لگائے جائیں گے۔

ڈاکٹر بشیر احمد نے کہا کہ دوسرے مرحلے کی مہم مئی میں پنجاب کے 24 اضلاع میں شروع ہو گی،جس کے بعد پاکستان ٹائیفائیڈ سے بچاؤ کے حفاظتی ٹیکے لگانے والا دنیا کا تیسرا ملک بن جائےگا۔

انہوں نے کہا کہ ٹائیفائیڈ سے بچاؤ کے حفاظتی ٹیکے مفت لگائے جائیں گے، ٹائیفائیڈ سے بچاؤ کے حفاظتی ٹیکے بچوں کے لیے محفوظ ہیں۔

ڈائریکٹر ای پی آئی ڈاکٹر بشیر احمد نے مزید کہا کہ والدین مہم کے دوران اپنے بچوں کو ٹائیفائیڈ سے بچاؤ کے حفاظتی ٹیکے ضرور لگوائیں۔

تازہ ترین