فرمان الہی
نماز کے اوقات
بلوچستان میں کورونا وائرس میں مبتلا ایک اور مریض کا انتقال ہوگیا، جس کے بعد صوبے میں کورونا سے جاں بحق افراد کی تعداد 191 تک پہنچ گئی۔
صوبے کےچار اضلاع میں چوبیس گھنٹوں کے دوران کورونا کے 18 نئے مریض سامنے آگئے جبکہ کورونا میں مبتلا 9 مریض صحت یاب ہوگئے۔
محکمہ صحت بلوچستان کی رپورٹ کے مطابق منگل کو صوبے میں 431 افراد کے کورونا ٹیسٹ کئے گئے۔ جس کے نتیجے میں صوبے کے 4 اضلاع سے 18نئے کیسز سامنے آئے۔
ان میں سب سے زیادہ 10 کورونا کیسز کوئٹہ سے رپورٹ ہوئے۔ کیچ سے پانچ، چاغی سے دو اور خضدار سے ایک کیس سامنے آیا۔ جس کے بعد صوبے میں ابتک کورونا وائرس سے متاثر ہونے والوں کی مجموعی تعداد 18 ہزار 640 ہوگئی۔
رپورٹ کے مطابق 24 گھنٹوں کے دوران کورونا میں مبتلا 9 مریضوں کے صحت یاب ہونے کے بعد صوبے میں صحت یاب ہونے والوں کی تعداد 18 ہزار 119 ہوگئی۔
بلوچستان میں 24 گھنٹے کے دوران کورونا میں مبتلا ایک اور مریض کے انتقال کرجانے سے صوبے میں کورونا سے انتقال کرجانے والوں کی تعداد 191 ہوگئی۔
محکمہ صحت کے مطابق کوئٹہ میں 24 گھنٹوں کے دوران کورونا کی تشخص کیلئے 293 ٹیسٹ کئے گئے، اس دوران کورونا کے 10 مریض سامنے آئے، کوئٹہ میں آج کورونا کی شر ح 3.4 فیصد رہی۔
