آپ آف لائن ہیں
اتوار15؍ رجب المرجب 1442ھ 28؍ فروری2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کوئٹہ سے رواں ماہ خسرہ کے زیادہ کیس رپورٹ ہورہے ہیں ،ڈی ایچ او

کوئٹہ( اسٹاف رپورٹر)ضلعی ناظم صحت کوئٹہ ڈاکٹر احمد زمان جمالی نے کہا ہے کہ کوئٹہ سے رواں ماہ خسرہ کے زیادہ کیس رپورٹ ہورہے ہیں ، متاثرہ علاقوں میں کیسوں کی جانچ کا عمل جاری ہے ،یہ بات انہوںنے گزشتہ روز صحافیوں سے گفتگو کرتے ہوئے کہی اس موقع پر انہوںنے کہا کہ رواں ماہ کوئٹہ سے خسرہ کے زیادہ کیس رپورٹ ہورہے ہیں اس سلسلے میں ٹیمیں تمام متاثرہ علاقوں میں جاکر کیسوں کی جانچ کر کے متاثرہ بچوں کو وٹامن اے کے قطرے اور ادویات فراہم کررہی ہیں۔ انہوں نے کہا کہ کوئٹہ میں مجموعی طور پر اب تک چار ہزار سے زائد بچوں کو ویکسین دی گئی ہے، انہوں نے والدین سے اپیل کی ہے کہ وہ اپنے ایک سال سے دس سال تک کی عمر کے بچوں کو قریبی مرکز صحت یا موبائل ٹیموں سے خسرہ کا ویکسین ضرور لگوائیں۔

کوئٹہ سے مزید