حوثی باغیوں کی ریاض پر میزائل حملے کی کوشش قابل مذمت ہے، عرب امارات

متحدہ عرب امارات کی وزارت خارجہ اور بین الاقوامی تعاون نے ایک بیان میں حوثی باغیوں کی ریاض پر میزائل حملے کی کوشش کو قابل مذمت قرار دیا ہے۔

عرب میڈیا کے مطابق اماراتی وزارت خارجہ نے کہا کہ اس بزدلانہ حملے کے تناظر میں وہ سعودی عرب کے ساتھ ہے۔

اماراتی وزارت خارجہ نے مزید کہا کہ سعودی عرب کی اپنی سرزمین اور عوام کے تحفظ کیلیے اقدامات کی حمایت کرتےہیں۔ حوثی باغیوں کی سعودی آبادیوں کے خلاف ناپاک کاروائیاں ناقابل برداشت ہیں۔

اماراتی وزارت خارجہ نے کہا کہ حوثی باغیوں کی کارروائیوں سے خطہ عدم استحکام اور بےامنی کاشکارہے۔