ملتان میں ڈاکو گن پوائنٹ پر 12کلو سوہن حلوہ بھی پیک کروا کرلے گئے

ملتان میں ڈاکؤوں نے سوہن حلوہ کی دوکان کے کیش کاونٹر سے رقم کم ملنے  کے بعد گن پوائنٹ پر 12 کلو سوہن حلوہ بھی پیک کروایا اور لے کر فرار ہوگئے۔

ملتان میں تھانہ نیو ملتان کی حدود میں خانیوال روڈ پر 23 جنوری کی رات کی ایک واقعی پیش آیا جہاں ایک سوہن حلوہ کی دوکان میں 3 ڈاکو داخل ہوئے۔

انھوں نے پہلے کیش کاؤنٹر کی تلاشی لی، رقم کم ملنے پر ڈاکوؤں نے 12 کلو من پسند خشک میوہ جات والے سوہن حلوے کے ڈبے بھی گن پوائنٹ پر پیک کروالیے اور جاتے ہوئے دوکان داروں کے 2 موبائل فون بھی ساتھ لے گئے۔

دوکان کے مالک بلال اشرف نے تھانہ نیو ملتان کو مقدمہ کی درخواست دے دی ہے تاہم پولیس نے تا حال مقدمہ درج نہیں کیا۔