دنیا کے امیر ترین آدمی جیف بیزوس کا 27 سال بعد عہدہ چھوڑنے کا فیصلہ

دنیا کی معروف آن لائن کمپنی ایمیزون نے اعلان کیا ہے کہ کمپنی کے چیف ایگزیکیٹیو آفیسر (سی ای او) جیف بیزوس رواں برس کے آخر تک اپنے عہدے سے سبکدوش ہوجائیں گے۔

غیر ملکی میڈیا رپورٹس کے مطابق عہدے سے سبکدوش ہونے کے بعد جیف بیزوس ایمیزون کے ایگزیکٹیو چیئرمین بن جائیں گے جبکہ ایمیزون کے ویب سروسز چیف سی ای او کی جگہ اینڈی جیسی لے لیں گے۔

بھارت کا یہ ارب پتی نوجوان کون ہے؟

بھارت کے ارب پتی شخصیات کی فہرست میں 34 سالہ نوجوان نکھل کماتھ بھی شامل ہے۔

جیف بیزوس 27سال قبل کمپنی کے قیام سے لے کر اب تک سی ای او کے عہدے پر فائز  رہے۔

کہا جارہا ہے کہ ایمیزون کے بانی جیف بیزوس اب کمپنی کے میڈیا اور خلائی پروگراموں سے متعلق بعض اہم منصوبوں پر زیادہ توجہ دینا چاہتے ہیں اسی لیے اس عہدے سے سبکدوش ہونے کا فیصلہ کیا ہے۔

دنیا کی امیر ترین عورت کون؟

ایمزون کے مالک جیف بیزوس کی سابقہ اہلیہ میکنزی اسکاٹ نے دنیا کی امیر ترین عورت ہونے کا اعزاز اپنے نام کرلیا۔

جیف بیزوس نے اپنے ملازمین کو لکھے گئے خط میں کہا کہ وہ اب دیگر اہم معاملات میں مصروف رہیں گے تاہم یہ فیصلہ ریٹائرمنٹ کے حوالے سے نہیں ہے۔

جیف بیزوس کی ملکیت اور اثاثوں کی مجموعی مالیت تقریباً 200 ارب ڈالر ہے اور فی الوقت وہ دنیا کے امیر ترین افراد کی فہرست میں دوسرے نمبر پر ہیں۔

ایشیا کا گمنام ارب پتی شخص کون؟

چین کے زونگ شان شان ایشیا کے امیر ترین جبکہ دنیا کے 11ویں امیر ترین شخص ہونے کا اعزاز اپنے نام کرلیا۔

بیزوس نے 27 سال قبل ایمیزون کو ایک آن لائن کتابوں کی دکان کی حیثیت سے قائم کیا تھا اور آج ایمیزون کے پلیٹ فارم سے کوئی بھی چیز حاصل کی جا سکتی ہے۔