کراچی دنیا کے آلودہ ترین شہروں میں تیسرے نمبر پر آگیا

08 فروری ، 2021

کراچی آلودگی کے اعتبار سے دنیا کے آلودہ ترین شہروں کی فہرست میں آج تیسرے نمبر پر آگیا ہے۔

ایئرکوالٹی انڈیکس کی جانب سے جاری کردہ رپورٹ کے مطابق کراچی کی فضاؤں میں آج آلودہ ذرات کی مقدار 197 پرٹیکیولیٹ میٹرز ریکارڈکی گئی ہے۔

دنیا بھر میں آلودگی کے لحاظ سے آج لاہور پہلے نمبر پر ہے، لاہور کی فضاؤں میں آج آلودہ ذرات کی مقدار 309 پرٹیکیولیٹ میٹرز ریکارڈ کی گئی ہے۔

ایئرکوالٹی انڈیکس کے مطابق آلودہ ترین شہروں میں بھارت کا شہر دہلی دوسرے، کابل چوتھے جبکہ کولکتہ پانچویں نمبر پر ہے۔

درجہ بندی کے مطابق 151سے 200 درجے تک آلودگی مضر صحت ہے جبکہ 201 سے 300 درجے تک آلودگی انتہائی مضر صحت ہوتی ہے۔

ایئرکوالٹی انڈیکس کے مطابق 301 سے زائد درجہ خطرناک آلودگی کو ظاہر کرتا ہے۔ آلودہ فضا سے شہریوں کو سانس لینے میں دشواری کا سامنا ہے۔

اس حوالے سے ماہرین صحت نے ایک پیغام جاری کیا ہے، جس میں اُن کا کہنا ہے کہ کراچی کے شہری ماسک کا استعمال کریں اور گھروں کی کھڑکیاں دروازے بند رکھیں۔

تازہ ترین

پاکستان میں چینی زبان و ادب کی ترویج کیلئے اقدامات کیے جارہے ہیں، وزیراعظم