ریکوڈک کیس: غیر ملکی وکلاء کی ٹیم آج پاکستان پہنچے گی

ریکوڈک کیس میں پاکستان کی جانب سے غیر ملکی وکلاء کی ٹیم آج پاکستان پہنچے گی۔

اٹارنی جنرل آفس کے ذرائع کے مطابق غیر ملکی وکلاء عالمی ثالثی عدالت میں پاکستانی کیس کی تیاری پر مشاورت کریں گے۔

ریکوڈک کیس، پاکستانی اداروں کے اثاثے منجمد کرنے کی کارروائی شروع

ریکوڈک کیس میں پاکستانی اداروں کے اثاثے منجمد کرنے کی کارروائی شروع ہو گئی۔

اٹارنی جنرل آفس کے ذرائع کا کہنا ہے کہ غیر ملکی وکلاء اٹارنی جنرل آفس اور متعلقہ حکام کے ساتھ مل کر گزارشات پر مشاورت کریں گے۔

اٹارنی جنرل آفس کے ذرائع نے مزید کہا ہے کہ غیر ملکی وکلاء مشاورت کے بعد پاکستان کی معروضات کا مسودہ تیار کریں گے۔

اٹارنی جنرل آفس کے ذرائع کا یہ بھی کہنا ہے کہ ریکوڈک کیس کی مزید سماعت رواں سال مئی میں ہو گی، ریکوڈیک کیس عالمی ثالثی عدالت میں زیرِ سماعت ہے۔