آپ آف لائن ہیں
جمعہ3؍رمضان المبارک 1442ھ 16؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سینیٹ الیکشن کیلئے ریٹرننگ افسران مقرر


الیکشن کمیشن نے سینیٹ الیکشن 2021ء کے لیے ریٹرننگ افسران اور پولنگ افسران کی تقرری کردی۔

الیکشن کمیشن نے سینیٹ انتخابات کے عملے کی تقرری کا نوٹیفکیشن جاری کردیا جبکہ انتخابات کا شیڈول 11 فروری کو جاری کیا جائے گا۔

نوٹیفکیشن کے مطابق اسلام آباد میں اسپیشل سیکریٹری ظفر اقبال ریٹرننگ افسر ہوں گے۔

شمشاد خان، شاہد اقبال اور آصف علی یاسین اسلام آباد کے پولنگ افسران مقرر کیے گئے ہیں۔


نوٹیفکیشن کے مطابق وقاص ملک، عاطف رحیم، کاشف عباس ملک اور تبسم جاوید بھی اسلام آباد کے پولنگ افسران ہوں گے۔

صوبائی الیکشن کمشنر اعجاز انور چوہان سندھ، غلام اسرار خان پنجاب کے ریٹرننگ افسر مقرر کیے گئے ہیں۔

نوٹیفکیشن کے مطابق صوبائی الیکشن کمشنر شریف اللّٰہ خیبرپختونخوا جبکہ محمد رازق بلوچستان کے ریٹرننگ افسر مقرر کیے گئے ہیں۔

سینیٹ انتخابات 2021ء کے لیے پولنگ قومی اسمبلی اور چاروں صوبائی اسمبلیوں میں ہوگی، اس حوالے سے شیڈول 11 فروری کو جاری کیا جائے گا۔

قومی خبریں سے مزید