آپ آف لائن ہیں
بدھ یکم رمضان المبارک 1442ھ14؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

جعلی ڈگری: PIA انجینئر کی ضمانت پر رہائی کا حکم

سندھ ہائی کورٹ نے پی آئی اے میں جعلی ڈگریوں پر ملازمت حاصل کرنے سے متعلق کیس میں پی آئی اے کے انجینئر کی ضمانت پر رہائی کا حکم دے دیا۔

پی آئی اے جعلی ڈگری اسکینڈل میں گرفتاری کے بعد پہلی ضمانت منظور کی گئی ہے۔

عدالتِ عالیہ کی جانب سے پی آئی اے کے انجینئر شیر اقبال کو ضمانت پر رہا کرنے کا حکم دیا گیا ہے۔

انجینئر شیر اقبال کو ایف آئی اے نے جعلی ڈگری پر گرفتار کیا تھا۔


درخواست گزار کے وکیل نے عدالت میں مؤقف اختیار کیا کہ شیر اقبال کو ملازمت کے 5 سال بعد گرفتار کیا گیا۔

درخواست گزار کے وکیل کا یہ بھی کہنا تھا کہ پی آئی اے نے شیر اقبال کو ملازمت سے برطرف کر دیا ہے، ایف آئی اے کی جانب سے انتقامی کارروائی کا نشانہ بنایا گیا۔

قومی خبریں سے مزید