آپ آف لائن ہیں
جمعہ3؍رمضان المبارک 1442ھ 16؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کراچی میں ڈکیتی میں ملوث پولیس اہلکار کی ہلاکت کی تحقیقات مکمل


کراچی کے علاقے سعود آباد میں ڈکیتی میں ملوث برطرف پولیس اہلکار کی ہلاکت کے  معاملے پر پولیس حکام نے تحقیقات مکمل کرلیں، واردات کی سی سی ٹی وی فوٹیج تحقیقات کا حصہ ہے۔

ایس ایس پی فیصل عبداللّٰہ چاچڑ کا کہنا ہے کہ برطرف اہلکار اظہر نے حاضر سروس پولیس اہلکار حیدر کو اے ٹی ایم پر لوٹنے کی کوشش کی، کانسٹیبل حیدر کی اپنے دفاع میں فائرنگ سے برطرف اہلکار اظہر ہلاک ہوا۔

 ایس ایس پی کورنگی کا کہنا ہے کہ پولیس نے باریک بینی سے تفتیش کی، بینک کی سی سی ٹی وی سمیت دیگر  ٹیکنکل شواہد حاصل کئے، اے ٹی ایم کی سی سی ٹی وی میں ملزم کو واردات کرتے دیکھا جاسکتا ہے۔

 ایس ایس پی کورنگی کا کہنا ہے کہ ہلاک پولیس اہلکار اظہر سے برآمد ہونے والی موٹر سائیکل بھی چوری شدہ ہے، موٹرسائیکل لانڈھی کے علاقے سے چوری کی گئی، جس کا مقدمہ درج ہے۔

 فیصل عبداللّٰہ چاچڑ نے کہا کہ برطرف اہلکار اظہر کا کرمنل ریکارڈ مل گیا، ملزم کو کرپشن پر پولیس سے برطرف کیا گیا۔

قومی خبریں سے مزید