فرمان الہی
نماز کے اوقات
بالی ووڈ کوئین کنگنا رناوت نے کہا ہے کہ بہت سے مشہور فلمسازوں نے اپنے کیرئیر کا آغاز مجھ سے کیا۔
بھارتی میڈیا رپورٹ کے مطابق کنگنا رناوت نے یہ بات سماجی رابطے کی ویب سائٹ پر پیغام جاری کرتے ہوئے بتائی تاہم انہوں نے کسی بھی ہدایتکار کا تذکرہ نہیں کیا۔
انہوں نے اپنے پیغام میں کہا کہ ہندی سینما کے بہت سے اعلیٰ فلمسازوں نے اپنے کیرئیر کا آغاز میرے ساتھ کیا تھا۔
بالی ووڈ کوئین نے اپنی فلم دھاکڑ کے ہدایتکار رجنیش گھئی کے بارے میں ایک نوٹ شیئر کیا۔
انہوں نے سماجی رابطے کی ویب سائٹ پر لکھے اپنے نوٹ میں کہا کہ بالی ووڈ کے بہت سے نامور فلمسازوں نےاپنے کیرئیر کی ابتدا میرے ساتھ کی۔
کنگنا رناوت نے یہ بھی کہا کہ میرے ساتھ اپنے کیرئیر کی شروعات کرنے والے یہ ہدایتکار جب کامیاب ہوجاتے ہیں تو اُن کی پوری توجہ خانوں، کپورز اور کماروں پر ہوتی ہے۔
انہوں نے مزید کہا کہ پیارے دوستوں، جب یہ رجنشن گائی مشہور فلمساز بن جائیں تو انہیں یاد دہانی کرائیں کہ وہ ایک بار خواتین مرکز فلم بھی کریں۔
اس سے قبل ایک ٹوئٹر پوسٹ میں کنگنا رناوت نے اپنی اسکرین رینج پر بھی بات کی اور پیغام میں بڑے پیمانے پر تبدیلی کا انتباہ جاری کیا۔
انہوں نے کہا کہ جس رینج کی اداکاری میں کرتی ہوں، اُس کا مظاہرہ اس کرہ ارض پر کوئی نہیں کررہا، میں باصلاحیت ہوں، ایکشن اور گلیمر سین بہتر انداز میں کرسکتی ہوں۔
بالی ووڈ کوئین نے بعدازاں ایکشن سین کا اپنا موازنہ ہالی ووڈ کی اداکار مارلن برانڈو سے بھی کیا۔
