فرمان الہی
نماز کے اوقات
نواب شاہ ( بیورورپورٹ)دولت پور قومی شاہراہ پر کراچی سے لاہور الیکٹرک کاریں لے کر جانے والاٹر یلر الٹ گیا جس کے نتیجے میں 13الیکٹرک کاریں تباہ ہوگئیں۔ موٹروے پولیس کے مطابق دولت پور قومی شاہراہ دینومشین بس اسٹاپ پر کراچی سے لاہور جانے والا تیز رفتار ٹریلر الٹ گیا حادثے میں ٹریلر میں لوڈ 13الیکٹرک کاریں جو کہ کوریا سے امپورٹ کی گئی ہیں اور پاکستان میں پہلی بار یہ کاریں متعارف کروائی جانی تھیں تاہم یہ کاریں عوام تک پہنچنے سے پہلے ہی حادثے کا شکار ہو کر تباہ ہو گئی ہیں کار کمپنی کے نمائندوں کے مطابق تباہ ہونے والی ایک کار کی قیمت 90لاکھ بتائی جاتی ہے اور یہ چارجنگ کاریں پہلی بار پاکستان لائی گئیں تھیں۔
