• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسکواش: ملتان کیلئے اعزاز،شہر اولیاء کی میزبانی مہمان یاد رکھیں گے

میرا شہر
ملتان
14 فروری ، 2021
ملتان (سٹاف رپورٹر) انٹرنیشنل بلوچستان اسکواش لیگ کو یادگار بنانے کے لئے ضلعی انتظامیہ متحرک ہے جب کہ قلعہ کہنہ قاسم باغ پر واقع دمدمہ کی تزئین و آرائش آخری مرحلے میں داخل ہو گئی ہے، سپیشل صفائی سکواڈ بھی اسکواش کورٹ جانیوالے روٹ کی صفائی کے لئے کوشاں ہیں۔ اس کے علاؤہ دمدمہ کے ساتھ واقع سبزہ زار میں بلیو پاٹری کی نمائش کا پلان بھی تیار کر لیا گیا ہے۔گزشتہ روز ڈپٹی کمشنر عامر خٹک نے کھلاڑیوں کی حوصلہ افزائی کے لئے سکواش کے قومی کھلاڑی کے ساتھ نمائشی میچ کھیلا، چئیرمین پرنس آغا عمرزئی کے ہمراہ کھلاڑیوں میں بی آئی ایس ایل کی شرٹس بھی تقسیم کیں۔ڈپٹی کمشنر نے کہا کہ بلوچستان انٹرنیشنل اسکواش لیگ کی میزبانی ملتان کے باسیوں کے لئے اعزاز ہے، اب اسکواش کے انٹرنیشنل پلئیرز کی ملتان آمد کا سلسلہ شروع ہو گیا ہے،آنے والے مہمان شہر اولیاء کی میزبانی کو ہمیشہ یاد رکھیں گے، اسکواش ایونٹ سے مقامی سطح کے ٹیلنٹ کو آگے بڑھنے کا موقع ملے گا،اس سپورٹس ایونٹ سے ملتان کی ثقافت اور سیاحت کو بھی فروغ ملے گا،عامر خٹک نے کہا کہ ملتان میں جشن بہاراں کے موقع پر سپورٹس گالا منعقد کیا جائے گا،سپورٹس گالا میں نیزہ بازی کا مقابلہ بھی شامل ہوگا۔ اسسٹنٹ کمشنر سٹی عابدہ فرید نے دمدمہ کا دورہ کیا اور انہوں نے عملہ کو کام تیز کرنے کی ہدایت کی۔
تازہ ترین