گارنٹی دیتی ہوں عمران خان لاپتہ افراد کے اہلخانہ سے بالکل ملیں گے: شیریں مزاری

وفاقی وزیر شیریں مزاری نے لاپتہ افراد کے لواحقین سے ملاقات کے بعد کہا کہ دھرنے والوں کا مسئلہ حل ہو گا، مجھ پر یقین کریں، وزیراعظم نے کہا کہ دھرنا ختم کریں، گارنٹی دیتی ہوں عمران خان لاپتہ افراد کے اہلخانہ سے ملیں گے۔

شیریں مزاری نے کہا کہ مارچ میں آپ کےتین افرادکاوفدوزیر اعظم سےملاقات کرےگا،  وزیراعظم پر اعتماد کریں۔

وفاقی وزیر شیریں مزاری نے لاپتہ افراد کے اہلخانہ سے ملاقات کے بعد میڈیا سے گفتگو کرتے ہوئے کہا کہ وزیراعظم نے مجھے لاپتہ افراد سے ملاقات کیلئے خاص پیغام کےساتھ بھیجا ہے۔

انہوں نے کہا کہ وزیراعظم نےکہا کہ آپ لاپتہ افراد کے اہلخانہ کے پاس جائیں اور ان سے 3 باتیں کہیں، وزیراعظم نے مجھے لاپتہ افراد کے اہلخانہ سے دھرنا ختم کرنے کی درخواست کیلئےکہا ہے۔

وفاقی وزیر نے کہا کہ وزیراعظم نے یقین دہانی کرائی ہے کہ مارچ میں لاپتہ افراد کے اہلخانہ سے ملیں گے ، وزیراعظم عمران خان نے دھرنے میں موجود 13فیملیز کے لاپتہ افراد سے متعلق معلومات لینے کی ہدایت کی ہے۔

شیریں مزاری نے کہا کہ میں نے دھرنے میں موجود فیملیز سے ان کے لاپتہ افراد کے نام مانگے ہیں، وزیراعظم سےلاپتہ افرادکی فیملیز کے مارچ میں ملنےتک مطلوبہ معلومات مل چکی ہونگی، گارنٹی دیتی ہوں وزیراعظم لاپتہ افراد کے اہلخانہ سے بالکل ملیں گے۔