آپ آف لائن ہیں
اتوار5؍رمضان المبارک 1442ھ 18؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

انتظامیہ مہنگائی مافیا کے ہاتھوں یرغمال بن گئی ‘مرزاعبدالرحمٰن

پشاور(جنگ نیوز)کوآرڈی نیٹر وفاق ایوان ہائے تجارت و صنعت پاکستان مرزا عبدالرحمٰن نے ایک بیان میں کیپٹل آفس سے جاری کی جانیوالی پرائس لسٹ کو موجودہ صدی کا بڑا مذاق قرار دیتے ہوئے کہا ہے کہ انتظامیہ مافیا کے ہاتھوں یرغمال بن چکی ہے ۔ سرکاری نرخنامہ اور مارکیٹ میں اشیاء کی قیمتوں میں زمین آسمان کے فرق نے عوام کی چیخیں نکال دی ہیں ۔ مہنگائی پر قابو پانے کیلئے پرائس ریویو کمیٹیوں کو ختم کرکے مجسٹریٹ مقرر کیے جائیں ۔ ضلعی انتظامیہ کی جانب سے جاری ہونے والا اشیاء خوردونوش کاروزمرہ نرخنامہ موجودہ صدی کا بڑا مذاق ہے کیونکہ مذکورہ ادارہ کے اہلکار بند کمروں میں بیٹھ کر آنکھیں بندکئے اشیاء خوردونوش کے نرخ درج کرکے عوام اور دکانداروں کے مابین جھگڑے کرانے میں مصروف ہے۔ سرکاری نرخنامے میں گزشتہ روز ٹماٹر 20روپے فی کلو ‘ اعلیٰ درجے کا سیب کالاپوری105‘ایرانی سیب140‘ سفید سیب70روپے‘ گولڈن سیب65روپے فی کلو‘ کیلا60روپے ‘ مالٹا 75روپے ‘ انڈے 150روپے فی درجن ‘شیور مرغی 250روپے فی کلو سمیت دیگر اشیاء خوردونوش کے ہوائی نرخ درج ہیں جبکہ حقائق اس کے بالکل برعکس ہیں کیونکہ مارکیٹ میں نرخنامے کے مطابق کوئی بھی چیز دستیاب نہیں ۔ انہوں نے کمشنر اور ڈپٹی کمشنر اسلام آباد سے مطالبہ کرتے ہوئے کہا کہ قومی خزانے پر بوجھ اور مہنگائی مافیا کو سپورٹ کرنے والے پرائس ریویو کمیٹی جیسے نالائق اور نااہل ادرے کو فی الفور ختم کرے کیونکہ چند روز قبل وزیر اعظم عمران خان نے بھی اسی قسم کا ایک حکم جاری کیا تھا کہ ملک بھر میں پرائس ریویو کمیٹیاں ختم کرکے مجسٹریٹ مقرر کئے جائیں جو حکومتی مقرر کردہ نرخوں میں سختی سے عملدرآمد کرائیں اور عوام پر مہنگائی کا بوجھ ڈالنے والے مافیا کو کیفر کردار تک پہنچائیں ۔ وزیر اعظم نے وزیر ماحولیات ملک امین اسلم کی دعوت پر اٹک کے علاقہ میں زمینداروں کے نمائندہ وفد سے ملاقات میں اعتراف کیا کہ کاشتکار جس نرخوں پر فصل منڈی میں فروخت کرتا ہے اس سے کئی سو گنا ناجائز منافع خوری کرتے ہوئے مافیا عوام کو دونوں ہاتھوں سے لوٹتا ہے ۔
پشاور سے مزید