اسپیکر سندھ اسمبلی نے حلیم عادل شیخ کے پروڈکشن آرڈر جاری کردئیے

اسپیکر سندھ اسمبلی آغا سراج درانی نے اپوزیشن لیڈر حلیم عادل شیخ کے پروڈکشن آرڈر جاری کردئیے ہیں۔

آغاسراج درانی کا کہنا ہے کہ حلیم عادل شیخ کے پروڈکشن آرڈر کل کےاجلاس کیلئے جاری کئے گئے ہیں ۔

اسپیکر سندھ اسمبلی نے کہا کہ کسی دباؤ میں نہیں، آئین و قانون کےتحت پروڈکشن آرڈر جاری کئے ہیں۔

حلیم عادل کو جیل میں نہ ہاتھ لگایا، نہ کوئی تھپڑ یا پتھر مارا گیا، جیل سپرنٹنڈنٹ

کراچی سینٹرل جیل کے سپرنٹنڈنٹ حسن سہتو کاکہنا ہے کہ اپوزیشن لیڈر اور پاکستان تحریک انصاف (پی ٹی آئی) کے رہنما حلیم عادل شیخ کو جیل میں نہ کسی نے ہاتھ لگایا، نہ کوئی تھپڑ یا پتھر مارا ہے۔

واضح رہے کہ ا سپیکر سندھ اسمبلی آغا سراج درانی نے اس سے قبل اپنے ایک بیان میں کہا تھا کہ اپوزیشن لیڈر حلیم عادل شیخ کے پروڈکشن آرڈر جاری کرنے کے لئے درخواست موصول ہوگئی ہے جس پر قانون کے مطابق عملدرآمد کیا جائے گا۔

منگل کو سندھ اسمبلی میں اپوزیشن جماعتوں کے ارکان سے ملاقات کے بعد میڈیا سے گفتگو کرتے ہوئے اسپیکر سندھ اسمبلی کا کہنا تھا کہ میں شہید بے نظیر بھٹو کا سپاہی ہوں کوئی غیرقانونی قدم نہیں اٹھائونگا ۔

ان کاکہنا تھا کہ اپوزیشن جماعتوں کی مشترکہ درخواست سیکرٹری کے پاس پراسس کے لئے بھیج دی ہے ایک سوال کے جواب میں انہوں نے کہا کہ میں نے قیدی ہوتے ہوئے الیکشن میں حصہ لیا۔