ضمنی انتخاب میں حکومت کو بری طرح شکست ہوئی، بلاول بھٹو

پاکستان پیپلز پارٹی (پی پی پی) کے چیئرمین بلاول بھٹو زرداری کا کہنا ہے کہ ضمنی انتخاب میں حکومت کو بری طرح شکست ہوئی ہے، سینیٹ الیکشن میں مل کر حکومت کوٹف ٹائم دیں گے۔

لاہور میں پریس کانفرنس کرتے ہوئے  بلاول بھٹو نے کہا کہ پی ڈی ایم نے یوسف رضا گیلانی کو سینیٹ الیکشن میں امیدوار نامزد کیا ہے۔

بلاول بھٹو نے کہا کہ ڈسکہ کے ضمنی الیکشن میں دھاندلی کرنے والوں کو ایکسپوز کیا ہے۔

انہوں نے کہا کہ پی ڈی ایم نے فیصلہ کیا تھا کہ مل کر ضمنی الیکشنز میں حصہ لیں گے، ہم نے فیصلہ کیا تھا کہ مل کر حکومت کو مشکل وقت دیں گے۔

پی پی چیئرمین نے کہا کہ  پی ڈی ایم نے حکومت کو پوری دنیا کے سامنے بے نقاب کر دیا، عوام حکومت کے ساتھ نہیں ہیں ، پی ڈی ایم کے ساتھ ہیں۔

 بلاول بھٹو نے کہا کہ  ہم پارلیمنٹ کی بالا دستی چاہتے ہیں ۔