فروری میں مرغی اور گھی کی قیمتوں کی اونچی اُڑان

ملک بھر میں گزشتہ ماہ یعنی فروری کے دوران مرغی اور گھی کی قیمتوں میں شدید اضافہ ہوا ہے۔

ادارہ شماریات کی رپورٹ کے مطابق فروری کے دوران مرغی 61 روپے تک فی کلو مہنگی ہوئی جبکہ فروری میں گھی اوسطاً  27 روپے 54 پیسے تک فی کلو مہنگا ہوا۔

رپورٹ کے مطابق فروری کے دوران کوئٹہ میں مرغی سب سے زیادہ مہنگی ہوئی، کوئٹہ میں مرغی کی قیمت میں61 روپے تک فی کلو اضافہ ہوا جس کے بعد کوئٹہ میں مرغی کی اوسط فی کلو قیمت 272 روپے رہی۔

ادارہ شماریات کے مطابق لاڑکانہ میں مرغی کی اوسط فی کلو قیمت 56 روپے بڑھی، ملتان میں 54 روپے 49 پیسے جبکہ حیدرآباد میں مرغی 54 روپے51 پیسے کلو مہنگی ہوئی۔

ادارہ شماریات کی ہفتہ وار رپورٹ، 23 اشیایہ مہنگی، 7 سستی ہوئیں

ملک میں ایک ہفتے کے دوران 23 اشیائے ضروریہ کی قیمتوں میں اضافہ اور 7 کی قیمتوں میں کمی ہوئی ہے۔

رپورٹ کے مطابق کراچی میں مرغی 53 روپے 46 پیسے تک فی کلو مہنگی ہوئی جبکہ بہاولپور میں مرغی کی قیمت میں 51 روپے 50 پیسے تک فی کلو اضافہ ہوا۔

فیصل آباد میں مرغی اوسط 47 روپے تک فی کلو مہنگی ہوئی جبکہ راولپنڈی، اسلام آباد اور فیصل آباد میں چکن 46 روپے کلو مہنگی ہوئی۔

ادارہ شماریات کے مطابق گوجرانوالہ 45، سیالکوٹ 44، پشاور 43 ، سرگودھا 40 اور بنوں میں مرغی 36 روپے فی کلو مہنگی ہوئی۔

یوٹیلیٹی اسٹورز پر خوردنی تیل 27 روپے لٹر اور گھی 22 روپے کلو مہنگا

اسلام آباد (نمائندہ جنگ) یوٹیلیٹی اسٹورز...

رپورٹ کے مطابق فروری میں پشاور اور حیدرآباد میں گھی سب سے زیادہ مہنگا ہوا، پشاور اور حیدرآباد میں گھی کی اوسط قیمت 28 روپے تک فی کلو بڑھی۔

ادارہ شماریات کے مطابق سرگودھا میں گھی 25، سکھر میں24.51 اور گوجرانوالہ میں 24 روپے فی کلو مہنگا ہوا۔

کوئٹہ میں گھی 22.55، راولپنڈی اور اسلام آباد میں 22 روپے فی کلو منہگا ہوا جبکہ ایک ماہ کے دوران خضدار میں گھی21، لاہور میں 18 اور بنوں میں 16 روپے فی کلو مہنگا ہوا۔