کوئٹہ(آن لائن )پاکستان مسلم لیگ (ن) کوئٹہ ڈویژن کے صدرمحمد رحیم کاکڑ ،جنرل سیکرٹری نسیم الرحمٰن ،آغا عمر شاہ، جنرل سیکرٹری کوئٹہ ڈویژن جاوید اقبال، جنرل سیکرٹری پشین میر وائیس کاکڑ ،ارباب اقبال، ذاکر بنگلزئی ،آصف حریفال ،صادق آغا، ضمیر اختر نے بیان میں کہا ہے کہ ثقافت کے ایام کو جوش و خروش سے منانا زندہ قوموں کی پہچان ہے۔ بلوچ ثقافت ہزاروں سال پرانی ہے بلوچ امن پسند محبت کرنے والے بہادر لوگ ہیں جنہوں نے ہمیشہ امن و بھائی چارے کو فروغ دیا بلوچ قوم پاکستان افغانستان ایران سمیت دنیا بھر میں آباد ہیں جہاں صدیوں سے اپنی ثقافت ، رسم ورواج اور روایات کو زندہ رکھے ہوئے ہیں ۔ انہوں نے بلوچ کلچر ڈے کے موقع پر بلوچ عوام کو مبارک باد دیتے ہوئے کہا کہ بلوچ قوم مہمان نواز، وفادار اور وطن پرستی پر جان دینے والی ہے۔انہوں نے بیان میں مزید کہا کہ کوئٹہ شہر مسائل کا گڑھ بن گیا۔ جا بجا گندگی کے ڈھیر سے بیماریوں کے پھیلنے کا اندیشہ ہے۔ نالیاں بند ہونے سے پانی سڑکوں پر بہہ رہا ہے تو دوسری جانب شہر بھر میں اسٹریٹ لائٹس غیر فعال اور بند ہیں جس کی وجہ سے جرائم کی وارداتوں میں اضافہ کیساتھ رات کو کتوں کے غول در غول شہریوں پر حملہ آور ہوتے ہیں ۔ انہوں نے کہا کہ میٹروپولیٹن فوری طور پر آوارہ کتوں کو تلف کرنے کیلئے اقدامات کرے اور شہر میں صفائی کی صورتحال کی بہتری اور اسٹریٹس لائٹس کو فوری فعال کیا جائے۔
فرمان الہی
نماز کے اوقات
