• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مقبول ترین ڈائریکٹر نے آڈیشن کیلئے نامناسب لباس پہننے کا کہا، یامی گوتم

آج کا اخبار
دل لگی
05 مارچ ، 2021
مقبول ترین ڈائریکٹر نے آڈیشن کیلئے نامناسب لباس پہننے کا کہا، یامی گوتم

ممبئی (مانیٹرنگ ڈیسک)بولی وڈ اداکارہ یامی گوتم نے انڈسٹری میں 11 سال مکمل ہونے پر اپنے ڈیبیو سے متعلق ایک انکشاف کیا۔بھارتی میڈیا کے مطابق یامی گوتم نے انکشاف کیا ہے کہ آڈیشن اور میٹنگ میں جاتے وقت انہیں ایسا لباس پہننے کا کہا گیا جس میں وہ کم عمر نظر آسکیں۔اداکارہ نے بتایا کہ جب وہ سادہ سی جینس اور ٹاپ میں بولی وڈ کے مقبول ترین ڈائریکٹر سے ملنے گئیں تو انہوں نے اس طرح کا لباس پہننے پر سوال کیا اور نامناسب لباس پہننے کا کہا۔یامی گوتم کا کہنا تھا کہ میں ایک بڑی پروڈکشن کے آڈیشن کے لیے گئی تھی اور آڈیشن لینے والا شخص بولی وڈ فلم انڈسٹری کا مقبول ترین ڈائریکٹر تھا، مجھے ڈیبیو فلم کے لیے شوٹ کیا جاچکا تھا تاہم اس وقت فلم کی ریلیز نہیں ہوئی تھی، ڈائریکٹر نے مجھے بتایا کہ میرا آڈیشن بہت اچھا تھا اور مجھے شارٹ لسٹ کرلیا گیا لیکن مسئلہ میری ڈریسنگ ہے۔اداکارہ نے مزید کہا کہ ڈائریکٹر سے لباس کا پوچھے جانے پر انہوں نے ایسا لباس پہننے کا کہا جس میں کم عمر نظر آسکوں۔

تازہ ترین