فرمان الہی
نماز کے اوقات
اسلام آباد (نمائندہ جنگ ) مسلم لیگ ق کے صدر چوہدری شجاعت حسین نے کہا ہے کہ بلاول بھٹو کیساتھ بات چیت نہایت خوشگواررہی ،بلاول کیساتھ انکار یا بدتمیزی والی بات نہیں ہوئی، 55سال بعد بھٹو خاندان کا کوئی فرد ہمارے گھر آیا، کچھ عناصر نے ملاقات کوغلط اجاگرکیا،پیر کو نمائندہ جنگ سے بات چیت میں انہوں نے کہا کہ بد قسمتی سے کچھ عناصر نے اسے غلط طور پر اجاگر کیا، ہم نے ان سے سیاسی معاملوں پر بات چیت کی اور بتایا کہ ہم حکومت کے اتحادی ضرور ہیں لیکن انکار والی یا بد تمیزی کی کوئی بات نہیں ہوئی ،55 سال بعد بھٹو خاندان کا کوئی فرد ہمارے گھر آیا تھا ، وہ ہمارے لئے محترم تھے ، 1966 میں ذوالفقار علی بھٹو شادی کی تقریب میں ہمارے گھر آئے تھے ، کوئی ایسی بات نہیں ہوئی جس طرح بعض عناصر نے پھیلائی ، چوہدری شجاعت نے کہا کہ بلاول بھٹو کے ساتھ کسانوں اور غریبوں کے مسائل پر بات کی اور کہا کہ غریبوں کیلئے کام کریں ہم ساتھ دیں گے ۔
