فرمان الہی
نماز کے اوقات
کراچی (ٹی وی رپورٹ) سندھ ہائی کورٹ نے کراچی میں تمام بچت بازاروں کو کھولنے کا حکم دے دیا۔ جسٹس محمد علی مظہر اور جسٹس امجد علی سہتو پر مشتمل دو رکنی بنچ کے روبرو بچت بازاروں کو بند کرانے کیخلاف درخواست کی سماعت ہوئی۔ جسٹس محمد علی مظہر نے استفسار کیا کہ اب تک بچت بازاروں کو کیوں نہیں کھولا گیا؟ درخواست گزار کے وکیل نے موقف اپنایا کہ رمضان المبارک قریب ہے لوگ تکلیف میں ہیں۔ عدالت نے ریمارکس دیئے بازاروں کو کھولا جائے اور ضروری اقدامات کیے جائیں، اگر کسی مقام پر انتظامیہ کو اعتراض ہے تو انتظامیہ عدالت کو آگاہ کرے۔ نمائندہ کمشنر کراچی نے بتایا کہ ہمیں کسی قسم کا اعتراض نہیں تاہم پارک اور رفاعی پلاٹ پر بازار لگانے پر پابندی عائد ہے۔
