سندھ میں کورونا مریضوں کو بہتر سہولتیں میسر ہیں، قاسم سومرو

پارلیمانی سیکریٹری صحت سندھ قاسم سومرو نے کہا ہے کہ سندھ میں کورونا وائرس کے مریضوں کو بہتر سہولتیں میسر ہیں۔

قاسم سومرو نے پروگرام جیو پاکستان میں گفتگو کرتے ہوئے کہا کہ کورونا وائرس کی نئی لہر زیادہ خطرناک ہے۔

اُنہوں نے کہا کہ سندھ میں ماضی میں سخت لاک ڈاؤن کیا گیا جس میں کامیابی ہوئی۔

کورونا وائرس کی برطانوی قسم پاکستان آنے میں حکومت کی نا اہلی نہیں، یاسمین راشد

وزیرصحت پنجاب ڈاکٹر یاسمین راشد نے کہا ہے کہ کورونا وائرس کی برطانوی قسم پاکستان آنے میں حکومت کی نااہلی نہیں۔

قاسم سومرو نے یہ بھی کہا کہ سندھ میں مختلف شہروں میں کورونا وائرس سے متعلق اقدامات کیے گئے۔

واضح رہے کہ سندھ میں کورونا وائرس کے مریضوں کی تعداد دوسرے صوبوں سے زیادہ 2 لاکھ61ہزار 411 ہو چکی ہے جبکہ کُل اموات 4 ہزار 458 ہوگئیں۔

پاکستان: کورونا وائرس کے مزید 29 مریض انتقال کرگئے

پاکستان میں کورونا وائرس کے مثبت کیسز کی شرح میں کمی ریکارڈ کی گئی ہے، گزشتہ 24 گھنٹوں کے دوران شرح 5 اعشاریہ ایک فیصد رہی ،مزید 2ہزار 253افراد میں کورونا وائرس کی تصدیق ہوئی ہے جبکہ مزید 29 افراد اس وباء سے انتقال کر گئے ہیں۔

نیشنل کمانڈ اینڈ کنٹرول سینٹر (این سی او سی) کے اعداد و شمار کے مطابق ملک بھر میں کورونا وائرس سے انتقال کرنے والوں کی مجموعی تعداد 13 ہزار 537 ہو گئی ہے، جبکہ کُل مریضوں کی تعداد 6 لاکھ7 ہزار 453 ہو چکی ہے۔