کورونا ویکسین کیلئے جاوید شیخ کی بھی باری آگئی

20 مارچ ، 2021

سینیئر اداکار جاوید شیخ نے آرٹس کونسل میں فنکاروں کیلئے قائم ویکسینیشن سینٹر سے کورونا سے بچاؤ کی ویکسین لگوالی۔

سینئر اداکار نے کہا کہ آرٹس کونسل میں اس سہولت کی فراہمی پر وہ سندھ حکومت کے شکرگزار ہیں۔

یہ بھی پڑھیے

انہوں نے کورونا ویکسین لگانے کے تجربے کے حوالے سے کہا کہ وہ بہتر محسوس کر رہے ہیں اور خود کو کورونا سے محفوظ بھی سمجھ رہے ہیں۔

جاوید شیخ نے دیگر معمر شہریوں سے بھی اپیل کی کہ وہ کورونا سے بچاؤ کی ویکسین ضرور لگوائیں۔

خیال رہے کہ فنکاروں کیلئے کراچی آرٹس کونسل میں کورونا ویکسینیشن سینٹر قائم کیا گیا ہے، وزیر صحت سندھ ڈاکٹر عذرا پیچوہو نے آرٹس کونسل میں پریس کانفرنس میں کہا تھا کہ فنکار، ادیب، لکھاری بہت اہم ہیں، ان کیلئے آرٹس کونسل میں ویکسیشن سینٹر بنایا ہے۔

وزیر صحت سندھ نے کہا کہ جب تک ستر فیصد سے زیادہ لوگوں کو ویکسین نہیں لگتی فائدہ نہیں ہوگا، ویکسین سب کو لگنی ہے، یہ انسانیت کی خدمت ہے، ہم چاہتے ہیں ہر فرد تک پہنچیں۔

تازہ ترین