فرمان الہی
نماز کے اوقات
وفاقی کابینہ نے روسی کورونا ویکسین اسپوٹنک وی کی قیمت فروخت کی منظوری دے دی۔
ذرائع کے مطابق وفاقی کابینہ نے روسی ویکسین کے ساتھ چینی ویکسین کنویڈشیا کی سیل پرائس مقرر کرنے کی بھی منظوری دیدی ہے۔
کابینہ نے روسی ویکسین اسپوٹنک فائیو کی دو خوراکوں کی قیمت فروخت 8 ہزار 449 روپے مقرر کی ہے۔
ذرائع کے مطابق چینی ویکسین کنویڈشیا کے فی انجکشن کی قیمت 4 ہزار 225 روپے جبکہ دو خوراکوں کی قیمت 8 ہزار 500 روپے مقرر کرنے کی منظوری دی ہے۔
وفاقی کابینہ سے دونوں ویکسینز کی قیمت فروخت کی منظوری سرکولیشن کے ذریعے لی گئی۔
ذرائع کے مطابق ڈریپ نے ویکسینز کی قیمتیں مقرر کرنے کی سفارش کی تھی، روس اور چین سے نجی شعبے کے ذریعے ویکسین درآمد کی جارہی ہے۔
