وزیراعظم سے حلیم عادل شیخ کی ملاقات
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم سے حلیم عادل شیخ کی ملاقات


وزیراعظم عمران خان سے حلیم عادل شیخ نے ملاقات کی ہے، ملاقات کے دوران وزیر اعظم عمران خان نے حلیم عادل شیخ کو اہم ہدایات بھی دیں۔

ذرائع کا کہنا ہے کہ  وزیر اعظم سے ملاقات کے دوران سیف اللّٰہ نیازی اور گورنر سندھ عمران اسماعیل بھی شریک تھے۔

وزیر اعظم عمران خان نے کہا کہ بیوروکریسی اور پولیس کو سیاست سے پاک کریں گے۔

حلیم عادل شیخ نے کراچی کی جیل میں پیش آئے واقعات سے وزیراعظم کو آگاہ کیا۔

ذرائع کا کہنا ہے کہ وزیراعظم  نے حلیم عادل شیخ کو رہائی کے بعد اسلام آباد بلایا تھا۔

حلیم عادل شیخ نے وزیر اعظم سے گفتگو کرتے ہوئے کہا کہ سندھ میں بیورو کریسی بھی سیاسی ہوچکی ہے۔

حلیم عادل شیخ نے کہا کہ وزیراعظم سے ملاقات میں سندھ کی سیاسی صورتحال پر بھی گفتگو ہوئی۔

حلیم عادل شیخ نے اپنے ٹوئٹر پیغام میں کہا کہ وزیر اعظم عمران خان سے میری ملاقات ہوئی ہے اور اللّٰہ کے فضل سے ان کی طبیعت بہتر ہے اور وہ تیزی سے صحت یاب ہورہے ہیں۔

قومی خبریں سے مزید